Toki Restaurant

الكوزين/التصنيف: صيني / هاي_إند التقييم: ٨ من ١٠ توقيت الطلب: ١٠ ونص بالليل - ٣٠ سبتمبر الأجواء: الخدمة ممتازة وسريعة، المكان مرتب، التكييف كان متوسط لانه السقف عالي، الإضاءة صفراء خافتة اضطريت افتح كشاف الجوال علشان اقرأ المنيو، الاغاني تكنو كانت عالية نوعا ما كأني في لاونج مش مطعم مرتب. الجلسات اذا كنت نحيف اقعد على الكرسي بس اذا أثقل مش مريح ابدا، اطلب تجلس على الكنب. الباركنج: تلاقي في هذا الوقت غالبا التغليف: جيد الأسعار: غالي لكن هو مصنف على انه هاي_إند، جودة المواد الغذائية ممتازة، لكن الكمية في بعض الاطباق تمنيت تكون أكثر مقارنة بالسعر الخرافي الي حاطينه سبب خسارة النقاط: الأجواء الي شرحتها 👆 ولانه مو كل شي حسيته مثالي الطلبات: - كرسبپي تايغر پرون - جمبري مقلي (ممتاز ٩ من ١٠) الجمبري مقاس وسط مش كبير أو يمكن مقصوص بالنص ، الكمية كان ممكن تكون أفضل، والتزيين كان فول سوداني وما أعطى اي نكهة زيادة للطبق كأنه بس كان على الصحن كمنظر! - شوربة هوت اند ساور - شوربة سشوان (ممتاز جدا) ١٠ من ١٠ - لحم سشوان (ممتاز جدا) ١٠ من ١٠، ولا غلطة، مقرمش مرة وماهو حالي مرة ولا هو مالح مرة - رز ياسمين على بخار (ممتاز) - طبق بط بكّين كامل مع اطباق جانبية (لا بأس به ٦.٥ من ١٠) *يجي شيف جنب الطاولة يقطعه قدامك عرض حي، ما عجبني الي جاء يقطع ما كان مرة محترف يبغاله تدريب، احسه شوه اللحمة كان جزار، مش كل القطع متساوية وكان باقي لحم على العظم كثير، وكذا مرة غلط وهو يقطع *جلد البط ماهو مقرمش مرة، كان يحتاج له وقت أطول يتقمر، علشان يسيح الدهن تحت الجلد أكثر ويقرمش بشكل متساوي، للأسف كان باقي دهن بنسبة ٢٠٪ تحت الجلد فصار طعمه زفر، كمان لمن الدهن يسيح كلياً اول ما يبدأ الشيف يقطع اللحم المفروض تطلع عصارة الدهن السايح على اللحم وبعدها تقدر تفصل الجلد لوحده واللحمة لوحدها بسهولة ،لكن الجلد كان لسة لاصق في اللحم. *لحمة البط نفسها كانت جيدة - الاطباق الجانبية والكريب والباو (ممتاز) فيه صوص بني لذيذ كأنه مربى، هو احلى شي مع لحمة البط، كمان الصويا صوص حقهم خرافي مرة معتق درجة أولى - حلى كيكة ساخنة - مولتن كيك (رهيبة) ١٠ من ١٠ ينصح به: ايوة 👍 《التقييم ذوق شخصي》

تجربة ممتازة الطعام جداً لذيذ اجواؤه ليلية أكثر من نهارية اطباق صينية رائعة جداً يستحق التكرار حطيت ٤ نجوم لأنني ضد الحاح كل جرسون يحاول يلمح لك أن تطلب أكثر أو شيء معين .. يشعرك بالإحراج. الأسعار مرتفعة .. لشخصين معدل الفاتورة ستكون بحدود ٧٠٠ ريال

كل شي رائع ، الاكل وأجواء المكان والخدمة ممتازة👏🏼👏🏼 ومكان حلو ورايق للاحتفال البسيط للبيرث داي🥳🎉🎈 اللوبستر سالاد اسطوووورية❤️‍🔥❤️‍🔥

توكي مطعم معروف لكن تاخر فظيع في الدخول زحمه مو طبيعيه الطلب كان _ كورن دجاج ٥/١٠ لو خلط مع الصوص بيكون اطعم _ دمبلنق منوع ٧/١٠ بعض منها جميل وبعض منها ناشف والجمبري مو ناجح _ مكرونه بالجمبري والدجاج ١٠/١٠ _ دجاج بالخس ١٠/١٠ _ سلطه بط ٥/١٠ طعم تونه ومافيها صوص _بنك مشروب _كركديه _ باشن فروت تكرر التجربه اذا ابغى مكرونه صيني فقط .. في الافضل

تجربة فريده وراقية لمطعم توكي من مجموعة ليلتي المكان رايق وانيق الحضور يتطلب حجز المنيو انقليزي كامل الويترز كلهم يتكلمو بس انقليزي ما شاء الله اغلب الطاولات فل الاسعار سياحيه تعتبر مقبوله مقارنة بنوعية الاكل او حجم الاطباق متوسط فاتورة لشخصين ١٠٠٠ ريال موتفر مواقف سيارات امام الباب وفي مدخل للكراسي المتحركه ان شاء الله اكرر الزياره واحرب اطباق ثانيه