Billy beez

من افضل فروع بيلي بيز واخص بالذكر موظفة الكاشير الأخت عبير حيث قامت بالتعامل باحترافية عالية وأظهرت قدر كبير من التعاون والتفاني في العمل الطاقم كله متعاون والمكان ممتاز للاطفال هناك مشكلة بالتطبيق نتمنى حلها وعندما تقوم بشراء اي تذاكر عن طريق التطبيق يجب ان تقوم بحفظ صورة للفاتورة على جهازك

"مكان رائع وجميل جدًا ويستحق الزيارة. يتميز بالنظافة والتنظيم وحسن الاستقبال، كما أن الموظفات في غاية التعاون والاحترافية، وتعاملهن راقٍ ولطيف. أشكر جميع العاملات على جهودهن المميزة، وأتمنى لهن المزيد من النجاح والتوفيق."

مكان رائع ممتاز جدا للاطفال و الكل متعاون و لطيف حتى مع الاطفال

المكان جميل ونظيف وممتاز للأطفال اشكر جميع الموظفات الي كانوا موجودين تعامل اكثر من رائع

اسوء مكان للاطفال في جده حتى نجمه وحده حرام فيكم لدرجه الواحد مو عارف يبدا من فين وباذن الله حقدم فيكم شكوى لانو مستحيل مكان بالقرف والوساخه دي انتو مكان اطفال لا في نظافه ولا في اهتمام ولا في رقابه ولا تجديد وتحسين في الالعاب والانكب انو سعركم يعتبر عالي ادفع ١٠٠ ريال للطفل وبدون مرافق وممنوع اصلا يدخل بدون مرافق فتدفعي كمان ٢٥ ريال للمرافق .. بعد ماندخل جوا المكان جيت وسط الاسبوع ٤ العصر يعني لسع اول اليوم لا في نظافه والنطانيط كلها اكل وشبس ولا في مراقبه على المنطقه اصلا وكان في طفل داخل معاه عصايه بلاستيك طويله حقت البلونه وجالس يضرب بقيه الاطفال بيها ولمن رحت اكلمهم بكل برود تقولي المشرفه بتلف كل شويه يسير تكلم الداده الي مع الطفل .. طبعا المكعبات الاسفنج قديمه ومعفنه ومو بعيد يكون فيها بق من كتر وساختها وعفنه قديمه تتفتت من كتر العفن .. تجي بعدين القسم الخاص بالكور فاضي تماما ولا في اي كورة ولا شغاله الالعاب كلها مقفله ومو مشغلينها .. تروح للزحاليق ماعرف الي مصممها ايش كان يفكر اغلب الزحاليق انحدارتها جدا حاده وقويه والطفل ينقلب على وجهو وهوا يتزحلق وطبعا برضو كلها شبس وقوارير مويه وشي مقرف .. تروحي للاركان الي المفروض انها مطابخ و مدرسه واماكن تلوين ومهارات و ادوات تعليم قالبين منطقه قد ايش كبرها لتخزين الكراسي والطاولات ومخلينها فاضيه ولا فيها اي شي غير كراسي وطاولات ولا في احد بيراقب المكان والاطفال بيدخلو ويسيرو يطلعو فوقها ويتعورو .. نجي طبعا للحمام الي كانو منبع للمكروبات والعفن والقرف وربي الحمامات العامه انضف منها مويه في الارض والريحه طالعه لين برا الحمام وشي مقرف .. طبعا الارضيه وسخه بشكل مو طبيعي في كل المكان تخلص لعب الشراب في الزباله خلاص يترمي وكل مكان مكبوب مويه في الارض ولا في اي احد حتى يمسح .. طفايات الحريق ماافهم محطوطه تحت كلها بمستوى الاطفال وطبيعي انهم حيلعبو فيها ومنطقيا لو لاسمح الله سار حريقه ماحيجي طفل عمرو ٤ سنين يطفيها عشان تحطها بمستوى طولو ولاكن لمن يكون بيجري وبيلعب ممكن بسهوله ينخبط فيها وينفقش .. حقيقي قمه الاستهتار والفوضى بتاخد فلوس بالهبل ولاكن مو عارفين تجددو في المكان وتهتمو بالنضافه وتجيبو مشرفين يراقبو الاطفال بشكل مستمر وكل ركن المفروض في مشرفه بتشوف وتراقب.. تقدرو تروحو وتزوروا اناكن وتتعلمو منهم كيف كل ركن وكل شبر في المكان حاطين بدل الوحده اتنين تنتبه وتراقب وتشوف الاطفال وسعرهم اقل من نص سعركم.. لاكن اداره ذكيه حاطين سياسه وحقت الاستقبال تعيد وتزيد ميه مره وتنبه ترا لو طبعت الفاتورة مافي استرجاع للمبلغ او تعديل او تغير باي شكل من الاشكال عشان هما عارفين انو لمن الاهالي حيدخلو جوا ويشوفو الفوضى والقرف حيقولو مانبغا خلاص رجعو الفلوس