Sunday Jeddah Hotel

مخدات السرير حقت ديناصورات مو اوادم والفرشة صليت وسجدت جبهتي اتوسخت يعلم الله من وساختها وسياسة الدخول والخروج سيئة جيت 3:30 فجر يوم الإثنين الفندق شبه فاضي قال خروجك 12 الظهر ومافي خصم ولا ريال قلت هات احسسسن غرفة تكفى وتعبان ما ودي اشوف، اعطوني غرفة مدخنين وغيرتها بعد ما طلبت طبعاً وبعدها قال لا تعال غير الغرفة مرة ثانية اللي نقلناك عليها اغلى من اللي انت دفعت عشان الڤيو! طبعاً الڤيو عالكوبري والدانوب وفرق اكثر من 60٪ من قيمة الغرفة العادية والعزل ماش 🤣 امنا بالله ونقلنا غرفة ثانية، بالنسبة للأسعار في وسط الاسبوع تعتبر مرتفعة ولو مو اخر الليل وتعبان مادخلت لكن مدحه لي واحد ان شاء الله ما عاد اخذ بنصيحته😤

فندق موقعه جميل والنظافة ممتازه والغرف واسعه لاكن لايوجد اي خدمه تتصل محد يرد عليك .المناشف. مهريه كانهم يمسحون فيها الارض 😭الفطور جدا فاضي حاطين اقل شي ممكن تفطر عليه والجبن الحمد لله على النعمه طعمه يقرف. والزيتون الاسود تشوفه بالمهر والمويه تعبئه والاكوب اصغر مقاس حاطينها تشرب فيها والنزلاء جميعا من اخوانا الباكستان والمطعم باكستاني وهندي 🤨🤓مدري ايش السر ؟؟؟؟

أود أن أتقدم بخالص الشكر والتقدير لفندق Sunday على حسن الاستقبال والضيافة. حقيقةً، الفندق يستحق التقييم الكامل لما وجدناه من نظافة، ترتيب، وروح بالغة في حسن التعامل. كما لا يفوتني أن أشكر إدارة الفندق والمطعم والقائمين عليه، وخصوصاً الأخت نوران والسيد مجيب على استقبالهم الرائع وكرمهم وتعاونهم. وكما قيل: من لا يشكر الناس لا يشكر الله. شكرًا لكم جميعاً، ونتمنى لكم دوام التوفيق والنجاح.!

كان إنطباع أولي لم يكن جيداً بما يكفي للأسف اول غرفه كانت مخصصه للمدخنين ورائحه الممرات والغرف تعج برائحه السجائر ؟! اعترضت وغيرو لي الغرفة الغرفه الأخرى الهاتف لا يعمل وأثار حرق على شرشف السرير ! تغاضيت عن هذا كله ثم تتفاجأ بإغلاق الكهرباء دون أشعار لم يتصل أحد ويشعرنا بإي شيء رجعت للاستقبال وكان ردهم بإنها بشكل تلقائي وهذه سياسه الفندق وهذا قلة ذوق وعدم إحترام للنزيل!

حجزت عندهم بعد مادفعت و شفت التعليقات السلبية حق بعض العملاء جاني قلق وسكنت عندهم 3 ايام وكانت في احسن حال. الحمد لله الفندق نظيف ومرتب و غرفهم واثاثهم جديدة وخدمتهم سريعة ومتجاوبين عكس الي في بعض التعليقات . اشكرهم ولي زيارة ثانية لهذا الفندق.