Street Fifty Six

🍴 مطعم شارع ٥٦ street fifty six المطعم صغير جلساته محدودة و مستغربة انو مو مرا انشهر بس حقيقي يستاهل التجربة ، يمكن دي خامس زيارة ليا، نكهات جديدة وغير اعتيادية المنيو آسيوي (ياباني كوري تايلندي ،…) كل طبق حكاية ✨، الخدمة ممتازة ، الاسعار متوسطة ، لايوجد حجز وحكرر الزيارة لتجربة اطباق اخرى ♥️ 🍽️ الطلبات: – ونتونز ⭐️⭐️⭐️ ١٠٠/١٠ الطلب الي لازم يكون موجود في كل زيارة ب ٤٦ ريال - دمبلنجز لحم ٣٨ ريال ١٠/١٠ ممتاز - بطاطس مع اللحم نجم الطاولة ⭐️⭐️ عجبني جدا والكمية مناسبة ١٠/١٠ - بيمباب طبق كوري راائع لمحبين الكمتشي ب٦٣ ريال ٩/١٠ - شوربة فو ٩/١٠ دافيه وحنونة ✨ ٥٧ ريال - توم يوم رامن مو مرا ناسبني ٥/١٠ ٥٧ ريال - سلطة تاي رااائعة ١٠/١٠ ٥٦ ريال تابعوني على حسابي في التيك توك والانستقرام للمزيد من التقييمات 🤍 waam.life

المطعم اجوائه حلوه والموظفين ماشاءالله متعاونين مره ولطيفين اما الاكل ما ناسبنا طلبنا رامن جمبري كان عادي صراحه مافي نكهة واضحه وطلبنا سلطة وطلبنا بيبمباب كان حلو اللحم كان ممتاز وموزون اكثر شي عجبني وطلبنا دجاج كوري مع بطاطا حلوه كان حلو بس عادي يعني عندهم تنوع في المنيو بس الطلبات الي اخذناها مو مره كانت لزيز والاسعار احسها مرتفعه شوي والمكان حق تجربة شفت عليه مدح كثير بس طلع عادي

كرنشي رول كان الذ شيء في الطاولة بارجع عشانه وبيف باد تاي نودلز لذيذ وحطو عليه ليمون يصير احلا ثم شرمب باو قطعة الشرمب نفسها مزيته والعجين بارد نوعاً ما الطعم المجمل جيد و بيبمباب شفت عليه مدح ولكن نهائياً ماعجبني طعم غريب والاخير بيف دمبلنق ماكان طعم اخلاق الموظفين حلوه ولكن ارجو التركيز في خدمة الطاولات التعليق للتطوير وليس للانتقاد

استمتعت بتجربتي بالأكل الاسيوي المعاصر اللي يميز مطعم street fifty six وبالذات طبق البيبيممباب والتاي سالاد الإثنين هذول اعطيهم العلامة الكاملة وزيادة النودلز بالجمبري واللي بالدجاج كذلك طعمها رااائع وطعم الووك واضح فيها لكن الزيت فيها زايد شويه الدجاج الكوري كذلك لذيذ لكن القطع شوي سميكة ياليت تترقق أكثر الكولي فلاور المقلي للأمانة أبدا ماعجبنا وطعمه الله يديم النعمة سيء وكله سكر الكاليفورنيا رولز عاديه مافيها شيء مميز المشروبات الغازية للأسف مثل كثير من المطاعم يجيب لك كنزا ولا غيرها الحجم الصغير ويبيعوها ب ١٤ ريال ولا أكثر ، ليش ايش اللي خلا سعرها ينقز بمجرد انها دخلت مطعمكم أشكر الأخ اللي جالس في الإستقبال والكاشير على ترحيبه وحفاوته وأشكر الأخت اللي كانت تاخذ الطلبات على سعة صدرها وتفانيها في عملها رغم إنها كانت لحالها بدون مساعدة

مره المطعم لذيذ طلبت بيبيمباب ودمبلنقز بالفطر واتمنى ارجع ثاني واجرب اطباق زياده احسها يمي ، الموظفين رائعين وصالح كان متعاون جداً ولطيف وخدوم