Thuluth cafe

مقهى عائلي جميل، لكن الاسعار مرتفعه قليلًا ..

مكان رائع وجميل من ناحية الأجواء والأكل والقهوة كل شي يجنن، وتلقينا معاملة راقية جدًا من عبدالله الله يعطيه الف عافية ماقصر، وبإذن الله راح اجيه دايمًا خصوصًا انه قريب من دوامي 👍🏼

ثُلث من أفضل الأماكن بجدة اللي تقدم القشد لا يُعلى عليه عندهم، واشكر الأخ جنيد على حسن استقباله وبشاشته وخدمته لنا

كل ما اغيب عنده وارجع له القاه بنفس مستوى الجمال والهدوء والرقي وتعامل الموظفين الرائع ✨

للامانه اول مره اجيهم ومو اخر مره طلبت قهوة v60 بن اثيوبي صراحة الحموضه فيها قليل ونسبه حموضتها افضل بكثير من كافيهات اما من ناحيه الاستقبال والخدمه الشباب كلهم ماقصرو بحسن الاستقبال والضيافه بالقهوة العربي والحلا باذن الله بنكرر الزياره وبعتمد المكان من بعد اليوم

جزيل الشكر والتقدير والإحترام للموظف الرائع بأخلاقه وعمله واقتراحاته وبشاشة الوجه وحسن الإستقبال الأستاذ عبدالله الخواجة ، الأكل لذيذ جداً وقهوة رواندا 🇷🇼 iced V60 كانت مميزة والحلى جميل. أجواء المكان ممتعة خصوصاً في الصباح ، المكان يستحق الزيارة وبقوة. أنصح بالحلوم والباذنجان وبندكت بالسبانخ للفطور ولاتفوتكم كيكة سان سيباستيان وطعم الشوكليت المميز معها 😋

تجربتي في المقهى كانت جميلة جدًا الأجواء هادئة ومريحة، ومناسب للي يبغى مكان رايق بعيد عن الزحمة. القهوة طلبت v60 كولومبي لذيذة وطعمها مضبوط ،وكذلك الكابتشينو 👍🏼 والحلا(كيكة غمرة الشوكولاتة) مرة حلو ويستاهل التجربة،واعطونا وردتين ضيافة حركة اقيمها ١٠٠٠ /١٠٠🌹 العيب الوحيد إن الأسعار تعتبر شوي مرتفعة حاسبنا ب١٣٣ ريال ، لكن بشكل عام المكان بصراحة يستحق الزيارة 🤍

صراحه فوق مستوى التقييم.. في موظف كنت حابه أشكره فيس تو فيس على حسن اخلاقه وبشاشته وتقديمه وسعة صدره.. كنا شخصين وقت الافطار.. طلبنا جرانولا وسلطة حلوم ومشروب ساخن قهوه v60 وكركديه،،، جيتهم للمره الثانيه.. كانت الطلبات بيرفكت ووالقشد ،، مرررره لذيذ،،والموظف أنس كان جدا جدا جدا متعاون معانا.. وقدم لنا ورد،، شكرا أنس

كوفي ثلث من الكافيهات اللي اعتدت عليها كل مره اجي فيها جدة .. الله يسعد صاحب الكافيه وكل العاملين واخص الاخ أنس على اهتمامه بالزبائن والخدمة الرائعه .. الى الامام دائماً

ما شاء الله كافي رايق وتصميم اروع وموظفين يشُكرون على تعاملهم والطلبات كلها تنحب ✨.