وِك

كان مطعي المفضل لين قبل امس اخذت منه وجاتني نزله معويه حاده

ذا افضل برجر بجدة للحين جربته ياليت بس يفتحو فرع اكبر من ذا ويخفضو سعر المشروبات مبالغ فيها مره

طلبي كان سوبر كومبو ماعجبني كثير ..جدا مالح بالنسبه لي .. ممكن لغيري يعجبه . البطاطس عادي ممتاز . بس البرجر ياليت يراجعو الملوحه والخبز ممكن يكون نوع افضل تحسه دسم وغير لايق ...الموظف كان جدا ممتاز

زرتهم اليوم وطلبت ناقيتس وكيرلي فرايز، وكانت لذيذة ومقرمشة. بعدها الموظفين فاجأوني وقدّموا لي برجر جديد لسه ما نزل رسمي وقالوا يبغون رأيي فيه. الخبز كان مختلف عن المعتاد، يشبه خبز الشباتي بطريقة لذيذة وغريبة، واللحم كان رائع ومضبوط والطعم ممتاز. الدجاج أقل شوي من مستوى اللحم، يحتاج يضبطونه أكثر. تعامل الموظفين كان جدًا راقي وبشوش، وكان موجود المانجر/المسؤول وتابع معنا بنفسه وسأل عن رأينا وحرص إن تجربتنا تكون كويسة. هذي اللفتة فرّقت كثير وخليت الزيارة أحسن. تجربة جميلة وأكيد أرجع لهم

وك WK | الزهراء📍 الطلبات: وك باوندر 20,9 SAR وك تشيكن رويال ,20,9 SAR كوكا كولا لايت 7 SAR ماء 2 SAR بطاطس 13,5 SAR اخيييرا جربتو وحمدلله طلع قد الحماس وزياده يستاهل كل ريال والضجه اللي سارت عليه، الطلب تأخر يمكن 20 دقيقه ولكن يستاهل، مرا عجبني برقر اللحم ماشاء الله مليااان ويشبع والبطاطس برضو لزيييزه، اضرب مشوار عشانهم؟ ايوا عادي يستاهلون ربي يبارك لهم ويرزقهم🤍 تابعوني على برامج التواصل الإجتماعي انزل تغطياتي وتصويري للمطاعم والكافيهات 📸 تيك توك: losi.ra سناب: losi.ra انستا: los8i

فكرة بسيطة. برجر بسيط في مكوناته و حجمه و طعمه. افضل التشيز برجر الأسطوري من ماكدونالدز على هذا البرجر اللي يحاول تقليده بشكل مختلف. التشيكن رويال غير لذيذ أبدا. البطاطس الكيرلي كويسة. للأسف ما أفكر اكرر الطلب او زيارة المكان.

اتوقع فكرته تستلم طلبك وتمشي 🤝🏼 الخدمه من اروع مايكون الصراحه والاجتهاد والطيبه ✅ الديكور المكان غير مريح واحمر مزعج والقعدات غير مريحه ❇️ الاسعار مقابل الجوده مناسبه الصراحه 64ريال حسابنا كامل 🫶🏻✅ الحقيقه والله يرزقهم يارب من واسع فضله بس الصراحه مطعم برقر عادي جداً طعمه يعتبر طعم برقرز زمان برقر الايفنتات القديمه👀 بالنسبه للأكل وهذا الاهم : -برقر دجاج لذيذ وفيه لذعه سبايسي 8/10 -برقر لحم اللحمه جودتها متواضعه والخبزه خبز بطاطس اصفر الصوص جبن اصفر مع بصل مكرمل طعم جدا عادي مافيه اي فكره ابد شيء محبط 7/10 -بطاطس مقليه مفرزنه تسوونها بالبيت واعتذر على التقييم بس هذا رأيي 🤝🏼2/10 التجربه لطيفه ولاتتكرر بالتوفيق لهم يارب بالتوفيق للجميع