Lahdat Hotel (Al Balad)

الفندق حلو ومرتب والخدمة ممتازة وموظفو الاستقبال لطيفين وبشوشين ويتجاوبون مع الطلب مباشرة دون تأخير وخصوصاً الأخ ( مصطفى ) 👍🏻 وبالنسبة لموقع الفندق فهو قريب جداً من أسواق جدة القديمة ومن الممكن الوصول للمنطقة المركزية في جدة التاريخية سيراً على الأقدام .. السلبيات / لاتوجد مواقف مجانية لسكان الفندق باعتبار أن المواقف في جدة البلد تكون برسوم .. وكذلك لا يوجد مطعم داخل الفندق للإفطار ،، إذا أردت الفطور فتطلبه ويحضروه لك تأكله في الغرفة وهو غير متنوع 🤷🏻‍♂️ بشكل عام الفندق جميل ومريح وهادئ جداً وتوجد فيه القنوات الرياضية السعودية والخليجة ( لعشاق كرة القدم ) 👌🏻

اقسم بالله العظيم اسوء خدمة، و اسوء فندق اخذته بحياتي، اولًا شقق ليست فنادق ثانيًا اسوء اكل ممكن تشوفه و برفق الصورة تحت 🤢 الله يكرم النعمه، و غالي على غير سنع اخذته ب250 و اقسم بالله لقيت بالبستان (يعتبر زي الملقا عندنا) ب200، وتسمع صوت اللي برا و مكان شقق عمال، حرفيًا تمنيت اقل من نجمة عشان اقيم.. من شدة السوء طلعت واخذت فندق ثاني عشان انوم فيه والله اللي هو بالبستان و ارخص.. نصيحة محب لا تاخذه لأن المميزات 0

اذا استفدت لايك 👍 اخذت غرفه شخصين سريرين منفصل الموظف المصري متعاون جدا دخلني قبل الوقت وعطاني خروج متاخر لان رحلتي بالليل الفندق جميل واثاثه والمكيف والحمام روووعه انصح فيه جدا والله اخذته الليله 230 بس احجز بدري وكلمهم قبل تحجز احيانا سعرهم اقل من بوكنق وغيره وقريب من كل شي حولك ماتحتاج سياره .. وبرضو فيه فندق ديفا بوسط السوق

فندق أصنفه أبو٣نجمات وليس نجمه كما صنفته هيئة السياحة،الفندق جميل هادئ ونظيف وموظفي الاستقبال بشوشين وسرعين في تلبية طلبك. فلهم مني جزيل الشكر.

فندق مرتب وخدمة ممتازة وموقع في وسط البلد الاسواق كلها جنبك الله يبارك لهم مهتمين بالعملاء نزلت برمضان ويقدموا إفطار مجاني للعملاء

تعامل راقي

الفندق جداً رائع اقامتي فيه كانت يومين ما واجهت اي شيء نظافه من كل شيء التعامل جدا لطيف ولبق من موظفين الاستقبال سواء الصباح او المساء ورح اكرر مرا ومرتين وثلاث بس المشكله الوحيده الي واجهتني لا يوجد مواقف جميع المواقف عليها رسوم بالرغم كانو كاتبين انو فيه مواقف اما الباقي كلو كويس

الاسواء ماجلست فيه ابدا طلبت اطلع على طول والمصعد وقف فينا تعطل حوالي ربع ساعه ظلماء وخنقه مافيه هواء شف الصوره المرفقه الاثاث وصخ وشراشف لم تغير وعليها بقع صفراء