The Red Fox

بشكل عام الاكل مره لذيذ ومتنوع بس طبعا المشهورين بيه هو الFish and chips. بالنسبه للطلبات كانت الآتي:- سلطه الشمندر مع جبنه الماعز : كانت كويسه كميه الشمندر حلوه مهي قليله والصوص كان متناغم مع الطبق. الشيء الوحيد الي ودي اعلق عليه هو الجبن لانه مقلي فا ما تحس بطعم المراره و الملوحه المعروفه لجبن الماعز لو انه حطوه بدون قلي كان احسن. بس اذا تحب الشمندر فالسلطه حتعجبكم. سلايدر اللحم بالترفل: لذيذ و اللحم جوسي و طري. الخبزه شويه منفوخه فا تعطي احساس بكبر الطبق بس كميه اللحم متناسقه تحس بيها في كل لقمه. بايت الدجاج : عادي لذيذ و طري زي اي مكان ثاني بس الحلو فيه الكميه كويسه. الوجبه الرئيسية كان طبق السمك و الجمبري المقلي : الصراحه انا قد جربت المطعم اكثر من مره و دايم اقول انه السمك عندهم اطعم سمك مقلي اكلته بالسعوديه. مقرمش و طري من جوه و الاهم من كذا كميه الزيت مهي كثيره مافي تنقيط و زفر الزيت. والسمكه الوحده تعتبر كبيره و بالنسبه لحبات الجمبري نفس الشيء حباته كبيره تاكل الجمبري وحده ب ٣ لقمات ومقرمش وطري من الداخل. طبعا صوص التارتار يرفع من لذاذه الطبق بشكل رهييب جدا، وتعحبني اضافتهم للبازاليا المهروسه تكسر الطعم بس بشكل متوازن. (انصح بزياره المطعم و تجربه السمك المقلي بالبطاطس عالاقل ماراح تندمون) ( ايضا نصيحه لافضل تجربه، جيب معاك صوص تارتار جاهز من البيت حسب ما تحب من شركه او طعم و اقعد ضيفه للسمك راح يخلي التجربه جدا لذيذه و ممتعه بالذات انه الصوص الي مع الطبق ما يكفي الطبق كامل)

شدني للمكان الفيش اند شيبس وصراحة التجربة كانت رائعة والخدمة جيدة، واجواء المكان كانت حلوه ومميزه🤩🤩 طلباتنا: -كرانبيري فيز لذيذ 10/10 -موڤي ستار مارتيني 10/10 -كابتن فوكس لذيذذ وخفيف والصوصات حلوه 10/10 -الفيش اند شبس لذيذذذ ومستوى مختلف عن باقي الامكان اللي تقدمه بجدة لكن كان شوي مزيت 10/8.5 -فيليه ماديليون كت طبق لذيذذذ الستيك شوي مالح بس مع الطبق الجانبي كل شيء صار بيرفكت الصوص اللي معاه ما حسيت اعطى طعم لكن عموما 10/10 التجربة حلوه واكيد تتكرر😋✨

تقييم مطعم The Red Fox 🦊🇬🇧 يأخذك مطعم The Red Fox في تجربة راقية مستوحاة من الأجواء البريطانية الكلاسيكية، حيث تمتزج الفخامة بالدفء، ويغمر المكان عبق الخشب الفاخر وأصوات الموسيقى الهادئة التي تهيئك لرحلة ذوقية استثنائية لا تُنسى. ✨ المقبلات: تشيكن بوب كورن قطع الدجاج الذهبية المقرمشة تُقدَّم بحرفية عالية، مغطاة بطبقة خفيفة من البهارات العطرية، وترافقها صلصة الباربيكيو بطابعها الدخاني الحلو الذي يضيف عمقاً دافئاً للنكهة ويجعل كل لقمة تبدأ بمذاقٍ جريء وتنتهي بلطافةٍ فاخرة. 🍽️ الطبق الرئيسي: فيش آند شيبس تجربة بريطانية أصيلة بكل تفاصيلها؛ سمك طازج مغلف بعجينة ذهبية هشة، تُكسر لتكشف عن لحم أبيض طري يتناغم مع بطاطا مقرمشة من الخارج وطرية من الداخل. يُقدَّم الطبق مع صلصة التارتار الغنية التي تضيف لمسة حامضية أنيقة تُبرز النكهة البحرية برقي. 🍮 الحلى: سوفليه الشوكولاتة سوفليه فاخر بسطح هشّ وداخلٍ دافئ تنساب منه شوكولاتة غنية كأنها وعد بالحلا الفخم. تُقدَّم معه كرة آيس كريم فانيليا تذوب ببطء لتخلق توازناً مثالياً بين حرارة الشوكولاتة وبرودة الكريمة، في ختام أنيق يليق بالأمسية. 🍹 المشروب: موهيتو التوت مشروب منعش يجمع بين التوت الطازج وأوراق النعناع ولمسة الليمون النقية، يُقدَّم بتوازن ينعش الحواس ويُكمل التجربة بنكهة باردة تحمل عبق الحيوية. ⸻ الانطباع العام: مطعم The Red Fox تجربة بريطانية راقية في قلب جدة — من التصميم المفعم بخشب فاخر وإضاءة ناعمة، إلى أطباق معدّة بعناية تنقل الحواس إلى عالمٍ من الذوق الرفيع. مكان يستحق الزيارة لكل من يبحث عن الأناقة في التفاصيل والمذاق في كل لقمة. 🌹

زيارتنا للمطعم يوم الجمعة بدون حجز على الساعة ٩ الليل و كنا شخصين المطعم اجواءه حلوة في الدور الاول و يطل على الشارع و طلباتنا كانت سلطة شمندر مع جبن الماعز ١٠/١٠ فيش اند شيبس ١٠/١٠ للأسف كنا نبغا نطلب فيشر مان عبارة عن كومبو فيش مع شريمب بس قالو خلص الشريمب باستا ريجتوني مع صدر دجاج مشوي ٨/١٠ الباستا كان ناقصها ملح و الصوص طعمه عادي مافيه شي مميز المشروبات كانت ماء غازي عموماً الخدمة ممتازة و التجربة رائعة

ياجماعة السمك المقلي على الطريقة الإنجليزية على أصوله ، شيء لذيذ جدا ومقرمش وطازج ، كنت متخوف لما طلبته انه من السمك الفيليه المجمد اللي مافيه نكهة لكن طلع العكس تماما الجمبري المقلي كمان جدا قوي وما يقل عنه دجاج البوب كورن ملاحظتي على صوص التارتار انه يفتقد للنكهة وممكن بسبب عدم وجود الشبت فيه كمان البطاطس اذا ممكن تكون أقل سماكة المره الجاية لي لازم أجرب الأكل في المطعم لتجربة الأجواء