معصوب نسيب

الموقع جميل جدا عنده جلسات داخلية كبيرة وجلسات خارجية جميلة جدا طبعا جلسنا بالجلسات الخارجية وكان في خدمتنا النادل رحيم الله يعطيه العافية خدمته سريعة ومتجاوب لطلباتنا رغم ازدحام المطعم طلبنا معصوب بالقشطة والحليب وكان جدا لذيذ ووصلنا ساخن بالاضافة لمطبق بالخضار وكان لذيذ بالاضافة لكبدة بالجبن وكان جيد ممكن لو طلبنا بدون كان افضل بالنسبة لنا طبعا التميس وصلنا بارد شوي لكن مايمنع واقول انه لذيذ واكيد مع وجبة الافطار احلا واطعم شاي عدني ذقته عندهم للامانة مجملا المطعم يستحق التجربة وشخصيا راح اعيد الزيارة لتجربة اصناف ثانية مع المعصوب

المكان/ جميل ومرتب وجلساتو حلوة ووسيعه بس مشكلتو ف الباب حاطين العازل ضغطو قوي فكل ما فتح احد الباب اتسدت اذننا ودا كان اسوأ شعور طول وقت الفطور الخدمة/ ممتازة وسريعه وموجودين ع طول الوقت/ فطور يوم الجمعه ع الساعه ٩ صباح الطلبات/ - كبدة غنم - شكشوكة - مطبق خضار ولحم - مطبق لبنة وزعتر - معصوب سادة - براد شاهي عدني الاكل لزيز وكميتو كويسه ممكن اجيه تاني لو زبطو موضوع الباب يفتحو شباك او يخففو الضغط - كوب شاهي نعناع

معصوب نسيب من أفضل الأماكن للفطور الشعبي في جدة في سيتي يارد في الروضة طلبنا فول جرة كان الطعم رائع ولذيذ وحار وأما التميز حكاية من الاخر هش وساخن والكبدة بصراحة ماعجبتني كثير الطعم عادي وطلبنا شاي عدني الطعم جميل وحلو وطلبنا عاد في الاخر معصوب نسيب لايفوتكم الخدمة سريعة والتعامل راقي، والمكان مرتب ويستاهل الزيارة سواء للفطور أو العشاء. أنصح فيه وبقوة لكل عشاق المعصوب 👌

فطور يستاهل التجربة في معصوب نسيب🤩 المعصوب عندهم من أفضل اللي جربتها، الطعم ممتاز ومتوازن والمكونات واضحة وطازجة، مع خدمة سريعة وجلسة مريحة للفطور الصباحي. من الأماكن اللي ترجع لها أكثر من مرة بدون تردد A breakfast spot that’s truly worth trying The Ma’asoob at Masoub Naseeb is one of the best I’ve ever had. The flavor is rich and well-balanced, the ingredients are fresh and high quality, and the service is fast. With its comfortable atmosphere, it’s the perfect place for breakfast and definitely a spot you’ll want to visit again and again.

مشاءلله تبارك الله والله ولا غلطه اكل جميل بكل تفاصيله مشاءلله عليهم والطاقم والخدمة وكل شي تمام بس ناقص حاجه وحده بس لو يسوو فطير ساده يعني مع التميز وكذا بر والله يطلع فوق الخيال لان التميز ثقيل جدا مع الناس الي مسويه دايت وكدا.