مطعم باب ادريس

المطعم مرتب والجلسات رايقة انيقة وذوق جمعت بين العراقة والحضارة .. الويترز بشوشين سريعين متعاونين.. الخدمة رائعة.. اكلهم طعم جدا ولذيذ وكمياته مناسبه .. اسعاره متوسطة .. طلبنا فتوش كان لذيذ بس ينقصه شيء.. مشوياتهم حلوه .. فتة الباذنجان عندهم مو مره حلوه .. اسعار المشروبات الغازية عندهم تعتبر غالية .. كانت زيارة لطيفة وجميلة .. ويقدموا صحن مقبلات بسيطة مجاني في البداية .

المطعم جميل ونظيف وأجواءه رائعة طلبت فتة كباب بالكرز مقبولة نوعًا ما 10/7 وورق عنب مع لحمة بـ 78 ريال وأعطيه 10/0 لا نكهة لاطعم ولا رائحة واللحمة خشنة وبدون أي نكهة وفوق هذا سعره مرتفع الموظفين بشوشين ومتعاونين شمرًا لكم وأنمنى تحسنوا مستواكم في الطبخ

⁦〰️⁩ المكان هذا له مميزات و عليه ملاحظات. المكان نظيف و مريح من حيث الجلسة و المقاعد و الإضاءة و الديكور. الجرسونات مدربين على مستوى عالي من التعامل و الأدب و الحوار. المنيو مصمم بطريقة مريحة و الطلب سهل و ما يحتاج مجهود. 🏅 سلطة الشمندر بجبنة الفيتا (الجبنة البيضة) و الجوز و البرتقال كانت ممتازة و تستحق الطلب. محضرة بتكنيك طيب و شهية و لذيذة. 🏅 شوربة الجزر بالزنجبيل ممتازة و تبعث على الراحة و طعمها لذيذ و ثقيلة القوام. 🏅الكبة في الفرن برضو طيبة و ممتازة لكن حجم الطبق صغير مقارنة بالسعر. 👎 الكبة الزغرتاوية مهي لذيذة و طعمها غريب شوية. 🥉 اللوبيا كان طعمها تمام لكن كانت باردة اكثر من اللازم. 🏅 طبق الكباب بالكرز كان لذيذ و محضر تمام لكن حجمه صغير بشكل لا يصدق. 🏅 المشاوي المشكلة كانت ممتازة و طرية و مستوية و البصل المشوي كان عظيم كأنه سوتيه مش مشوي. 🥉 الحلا اللي اسمه غزل الشباب، فكرته حلوة لكن المهلبية كانت جامدة و كان بايت. ⁦〰️⁩ المطعم عموما أسعاره مرتفعة جدا مقارنة بالكميات المقدمة و فيه اطباق المفروض تتحسن او تتلغي زي الكبة الزغرتاوية .. يستحق التجربة لكن الاسعار تخليني أتردد خصوصا أن الكميات ما تجبر السعر لصالحك.

أحلى ترويقة لبنانية فيها تشكيلة أجبان و شكشوكة و فول 😋.. فخارة الجبنة البلغاري حكاية تانية تاخدك لأجواء لبنان خصوصي و فيروز بتغني بحبك يالبنان 😍 اما الفطاير فكانت كلام مختلف ساخنة و مقرمشة.. باب ادريس رايق، و مكان رائع لفطور او غدا.. الخدمة ممتازة و الأجواء اكثر من الرائعة و الأسعار متوسطة و لكنه يستاهل الزيارة 😎

تجربة جميلة وأتوقع تتكرر المكان: مركز الخياط - شارع الأمير سلطان قبل تقاطع شارع صاري المطعم: نظيف مع أنه تحسة مستهلك حبتين بس النظافة فيه عنوان وأنيق الديكور جميل فيه جلسات خارجية اتوقع في المساء تكون قمه في الروعة الويترز الموجودين قمة في الاحترام والأخلاق دورات المياه نظيفة جداً وهذا ملفت في ظل اللي نشوفه في مطاعم فخمه للأسف. الأكل: الطلب كان كباب (عتبلي) اتوقع الاسم كذا يقدم مع الارز بالزعفران وصوص حار حمص بصراحة الأكل مرررة لذيذ بس موضوع تناسب الكمية مع السعر تحتاج إعادة نظر استمتعت بس قمت وانا لسا ما شبعت تجربة كنت متردد فيها لما قرأت من تعليقات عن سوء الطعام بس حصتها وباءت بالنجاح *ملاحظات: - تغلق الاغاني عند الأذان وبعد الأذان تشتغل والناس تصلي برا وجوا المطعم والاغاني شغاله