أرتشي

كوفي رايق وجميل في مجمع للمطاعم والكوفيات جلساته حلوه ومتنوعه ما بين خارجية وداخلية وعلوية وفيه روف اطلاله جميله وشرحة والمكان بشكل عام شرح الفرنشتوست لذيذ عندهم وكذلك القهوة عيبهم الوحيد وهو إلي خلاني انقص نجمتين !! لا يوجد دورة مياة ؟ مريت جنبهم نمق ومطغم آخر نفس الكلام يتعذرون بالصيانه !! ياليت البلدية تشدد على هذي المواضيع اي كوفي لا يوفر دورة مياة يغلق 🛑

صراحه القهوه مااعجبتني مره اخذت قهوة اليوم ماقدرت اشربها ورجعتها واخذت V60 وبعد مو حلو وخفيفه جد القهوه غاليه وهي ماتستاهل .. فقط الفطور جربت سندوتش دجاج لذيذه

السلام عليكم ورحمة الله . . اليوم كان الوقت المناسب انه اجرب ارتشي .. بس طلبي طبعاً عن طريق تو يو , وصلني الطلب الأكل حار ومغلف كويسسس والإهتمام بأصغر التفاصيل! شكراً لكم . طلباتي : • أفوكادو تارتين : ١٠٠٠/١٠ . مكس الحلوم والبيض والأفوكادو وفجأة يجيك حلاوة صلصة البلسمك والجرجير , حقيقي ششكراً انه استمتعت لما اكلت الساندوتش🤎🤎, لازم تطلبونه . • فومي ماتشا : ١٠/٨ لا بأس فيها . صحيح انا مايهمني السعر! ادفع اذا لقيت الجودة والطعم اللذيذ! بس صراحه الكوب جداً صغير على ٣٠ ريال و الثلج قليل بسبب الكوب والماتشا عاديه . بالنسبة كأول تجربة مستعدة اجرب مرهه ثانية لباقي الأصناف ويالتوفيق والبركة🤎. * ملاحظة يمكن ما احد تهمهّ, بس جد اتمنى لما الشخص يحط تعليق وانا كـ شخص صراحه اول شيء اشوف تعليقات المحل واطلب اذا اعجبني , ترى مايهمني انه الموظف الفلاني رهيب او تمدح فيه! او مثلاً تقول لذيذ بدون ذكر الأصناف؟ مادام كتبت تعليقك حط الأصناف اللي اعجبتك وتقييمها وشكراً . .

جربت ارتشي فرع الرياض ، هذا افضل من ناحية المكان شرح و واسع .. لكن كطعم وخدمة ما كانت جيدة ، الطلب كان فرنش توست بيكان اول شي جاني غلط و بعدين رجعته وجاني و الصوص قليل جدا ورجعت رجعته ورجع زبطه و جابة لي وانا قهوتي طلبتها حارة الين ما وصل الطلب صاااارت بارده حول نص ساعة وانا انتظر مفروض على هذا التأخير يكون في تعويض بس الفرنش توست مره لذيذ بس دسم مره مره ..والقهوه لذيذة 😋☕️

تجربة جميلة طلبنا قهوة اليوم لا باس كانت والقهوة المقطرة كانت اطعم والحلا طلبنا فرنش توست بيكن حلو بس البودنج كان اطعم عشان تستمع بالمكان تعال وسط الأسبوع يكون أفضى الملاحظه الوحيده كانت سعر الحلا مبالغ فيه شويا الصراحه